Түндүк Корея лидери Ким Чен Ир менен Орусия президенти Дмитрий Медведев Бурятияда жолугушту. Агенттиктер билдиргендей, жолугушууда Түндүк Корея аймагы аркылуу Орусия газын Түштүк Кореяга алып өтүү долбоорун даярдоо үчүн атайын комиссия түзүү маселеси чечилди. Кремлдин маалымат кызматы билдиргендей, мындан тышкары эл аралык маселелер да каралып, Ким Чен Ир өзөктүк маселеде болжолдуу шарттарсыз алты тараптуу сүйлөшүүнү жаңыртууга даяр экендигин ачыктады.
