БУУнун Коопсуздук Кеңеши Нигериянын байтакты Абуджедеги өкүлчүлүгүнүн жанында болгон жардырууну эл аралык коомчулукту “жийиркенткен кылмыш” деп атап, кескин сындады. Жума күнкү жардырууда 18 киши курман болгон. Улуттар Уюмунун башкатчысы Пан Ги Мундун айтышынча, жардыруу болгон кезде 25 гуманитардык уюм жайгашкан имаратта жүздөгөн адамдар иштеп жатышкан. Пан Ги Мун чабуулга карабай, БУУ адамдарга зарыл вазийпасын токтотпойт деди. Бомба жардыруусу үчүн жоопкерчиликти Нигерия өкмөтү менен согушуп жаткан “Боко Харам” деп аталган ислам уюму өзүнө алды.
