Эл аралык валюта фондунун экс-директору Доминик Стросс Кан кечээ фонддун Вашингтондогу баш кеңсесинде болуп, мурдагы кесиптештери менен коштошуп кетти. Өткөн аптада ага каршы коюлган дооматтар алынып салган. Стросс-Кан Нью-Йорктогу мейманканалардын биринде ал жерде иштеген аялды зордуктоого аракеттенип, сексуалдык ыдык көрсөткөн деп күнөөлөнүп жаткан. Ал май айында камакка алынгандан кийин кызматынан өз ыктыяры менен кеткен. Стросс-Кандын ордун июлда мекендеши, Франциянын финансы министри Кристин Лагард ээлеген.
