Бул тууралуу Нарын облусунун губернатору Канатбек Муратбеков “Азаттыкка” билдирди. Анын айтымында, азыр тергөөгө байланыштуу кенде иш токтоп турат. Чатакка тиешеси бар деп шектелгендерге иликтеп издөө жүрүп жатат. Губернатор 3-сентябрда жаратылыш ресурстары министри, “Кыргызалтын” ишканасынын жетекчиси жергиликтүү эл менен жолугуп, чет өлкөлүк инвесторлорго кен иштетүүгө лицензия берүүнүн жол-жобосун түшүндүрөөрүн маалымдады.
Солтон-Сары алтын кени «Кыргызалтын» мамлекеттик ишканасынын карамагында, ал эми кендин бир бөлүгү болгон Бучук алтын кени мындан үч жыл мурун жаратылыш ресурстары министрлиги тарабынан Кытай ишкерлерине берилген.
26-август күнү Нарындын Эмгекчил айылынын 300дөй тургуну Солтон-Сары алтын кениндеги Бучук кенин кытайлыктар иштетип жатканына нааразыланып, ишканадагы үч милиционерди жана кытайлык үч жумушчуну сабап салышкан болчу. (EBM)
Солтон-Сары алтын кени «Кыргызалтын» мамлекеттик ишканасынын карамагында, ал эми кендин бир бөлүгү болгон Бучук алтын кени мындан үч жыл мурун жаратылыш ресурстары министрлиги тарабынан Кытай ишкерлерине берилген.
26-август күнү Нарындын Эмгекчил айылынын 300дөй тургуну Солтон-Сары алтын кениндеги Бучук кенин кытайлыктар иштетип жатканына нааразыланып, ишканадагы үч милиционерди жана кытайлык үч жумушчуну сабап салышкан болчу. (EBM)
