Кыргыз-орус өкмөттөрү экономикалык жаңы келишимдерди түздү

Бул тууралуу бүгүн Орусиянын президентининин администрация башчысы Сергей Нарышкин Бишкекте Кыргызстандын президенти Роза Отунбаева менен жолугушуудан кийин билдирди. Анын айтымында, эки өлкө ортосунда электр кубаттуулугу, карамай жеткирүү боюнча бир катар жаңы келишимдер түзүлдү. Ага ылайык Орусиядан күйүүчү-майлоочу майды кошумча бажы төлөмүсүз ташып келүү каралууда. Нарышкин орус тарап Камбар-Ата-1 ГЭСин куруу иштерине кызыкдар экенин да бышыктады.

Орус президентинин администрация башчысы ага чейин Кыргызстандагы кесиптеши Эмил Каптагаев менен жолуккан болчу. (EBM)