Мамлекет башчы Роза Отунбаева 3-сентябрда КМШ өлкө башчыларынын кеңешинин жыйынына катышат. Бул тууралуу президенттин басма сөз кызматынан “Азаттыкка” кабарлашты. Учурда Отунбаева Кытайдын Үрүмчү шаарында эки күндүк иш сапары менен жүрөт. Анын алкагында мамлекет башчы ЭКСПО “Кытай-Евразия” биринчи эл аралык көргөзмөнүн ачылыш аземине жана “Кытай-Евразия” экономикалык кызматашууну өнүктүрүү форумуна катышат. Мындан тышкары бир катар жогорку деңгээлдеги жолугушууларды өткөрүүсү күтүлүүдө. (KKs)
