WikiLeaks интерент сайтынын цензуралана элек 250 миңден ашуун документти жарыялоосун дүйнөдөгү төрт беделдүү басылма "The New York Times"(АКШ), "The Guardian"(Британия), "El Pais"(Испания) жана "Der Spiegel"(Германия) cындады. Алар мурда WikiLeaks менен кызматташып жүрүшкөн. “Биз буга чейин WikiLeaks менен биз редакцияланып, тазаланган гана документтерди басабыз деп макулдашканбыз”, - деп айтылат төрт медиауюмдун жума күнкү орток билдирүүсүндө. Ошондой эле Вики-Ликстин 251 287 редакцияланбаган документти жарыялоосуна өкүнүчтөрүн айтты береги төрт басылма. Вики-Ликисте АКШлык жоокер уруксатсыз берген 2 миллиондон ашуун Кошмо Штаттардын дипломаттык кат-кабары жана документтери бар.
