Расмий өкүлдөр билдиргендей, Махмуд Ахмадинежад эки күндүк иш сапары учурунда Сангтуда – 2 ГЭСинин ачылыш аземине да катышат. Тажикстан бул ГЭСти Ирандын жардамы менен курууда. Кабарларга караганда, ГЭСтин менчик укугу жана анын кирешелери Тажикстанга он эки жылдан кийин өткөрүлүп берилет. Тажик жана иран тарап Ахмадинежаддын бул жолку сапары учурунда экономикалык кызматташтык боюнча башка долбоорлорду да талкуулары күтүлүүдө.
