Пакистанда “ал-Каиданын” жетекчилеринин бири Юнус ал-Мауритани менен “ал-Каиданын” дагы эки командири колго түшүрүлдү. Пакистандын ведомстволор аралык чалгындоо кызматынын кабарлашынча, береги үчөө Кветта шаарынын чет жакасында кармалган. “Усама бин Ладен ал-Мауританиге АКШ, Европа жана Австралиядагы маанилүү экономикалык объекттерге сокку уруу вазийпасын жүктөгөн”, - деп агенттиктин билдирүүсүндө. “Ал-Каиданын” офицерлерин кармоо АКШнын Борбордук чалгындоо кызматынын техникалык жардамы менен ишке ашырылган.
