Салтка айлангандай сессия бул жолу төрагалык кылуучу Катар өлкөсүнүн өкүлү Абдулазиз ан-Насердин сөзү менен башталды. Ал өз сөзүндө БУУнун мүчө өлкөлөрүн глобалдык маселелерди чечүүдө кызматташууга чакырды. Насер мындан тышкары Ливиянын жаңы бийлиги – Улуттук өткөөл кеңеши БУУнун баш катчысы Пан Ги Мунга өздөрүн БУУда кызыкчылыгын коргой турган Ливиянын расмий өкүлү катары таануу өтүнүчү менен кайрылышканын жарыя кылды.
