Чукул кырдаалдар министрлигинин билдиришинче, 15-сентябрда түндө нөшөрлөп жааган жаандан Ысык-Көл облусунун Жети -Өгүз районунун Барскоон айылында 90дон ашык, ал эми Тамгада 60тай үйдүн короосун сел каптады. Бул эки айылда жыйырмага жакын үй кулайын деп калды, ошондуктан мамлекеттин ссудасына муктаж. Ушул тапта райондук жарандык коргонуу комиссиясы селдин кесепетин тактоо иштерин улантып жатат.
