Европа Комиссиясы билдиргендей, карызга баткан Грециянын эл аралык куткаруу жардамынын кезектеги траншын алууда «алымдуу» жылыш болуп жатат. Билдирүү кечээ Афиныда Грециянын каржы министри Евангелос Венизелос европалык борбордук банктын, Европа биримдигинин жана Эл аралык валюта корунун өкүлдөрү менен жолуккандан кийин жарык көрдү. Европа биримдигинен жана Валюта корунан кезектеги 11 миллиард доллардык транш ала албаса, Греция карызын төлөй албай калаары айтылууда. Бул өз кезегинде евро-аймакка жана дүйнөлүк экономикага оор сокку урушу мүмкүн.
