Улуттук коопсуздук боюнча мамлекеттик комитет шайлоого карата кыргызстандыктарга кайрылуу жасады. Анда шайлоонун тынч жана татыктуу деңгээлде өтүшүнө бардык жарандар, массалык маалымат каражаттары, саясый партиялар, талапкерлер жана күч түзүмдөрү салым кошуш керектиги айтылган. Кайрылууда ошондой эле Бишкектеги, Ош, Жалал-Абад, Баткен, Нарын, Каракол жана Талас шаарларындагы ишеним телефондорунун номурлары берилген. УКМКнын басма сөз кызматынан маалымдашкандай, кайрылуунун тексти жана телефон номурлары интернет аркылуу жайылтылып, расмий гезиттерге жарыяланат. (RK)
