Өкмөт башчынын милдетин аткарып жаткан биринчи вице-премьер-министр 11-октябрда Бишкектеги Ош базарын жана айрым соода түйүндөрүн кыдырды. Өкмөттүн маалымат кызматынын билдиришинче, андан соң жыйын өткөрүп тиешелүү мекемелерге бир катар тапшырмалар берилди. Ага ылайык, базарларда патенттердин берилишин көзөмөлдөп иликтөөнү, санитардык абалды жакшыртууну соодагерлердин укуктук абалын оңдоону, таразалардын тактыгын аныктоону тез арада жүргүзүүнү буйруду. (EBM)
