Жекшемби күнү Пакистандын Жамият Улам-и-Ислам партиясынын төрагасы Маулана Фазл-ур-Рахман куралдуу күрөштү айыптады. Фазл-ур-Рахмандын сөзүнчө, анын партиясы өлкөдө шариат канондорун орнотуу үчүн конституциялык жана демократиялык жол менен күрөшөт. Бул партия Ооганстандагы талиптердин режимин колдоп, ага суктанганы менен белгилүү. Фазл-ур-Рахман өз партиялаштарына кайрылып, биз өз көз карашыбызды Ооган элине таңуулай албайбыз, эгер алар Ислам үчүн согушса жана Кошмо Штаттарга каршы турса, биз аларды колдойбуз, бирок ал үчүн согушабы-жокпу, алардын өз ыктыяры деди.
