Жалал-Абад шаардык шайлоо комиссиясына 35 миң даана шайлоо бюллетени келип түштү. Бирок шаардагы шайлоо участкалары менен ыкчам топтордун мүчөлөрүнүн иш-аракеттеринин натыйжасында өткөн аптада бир жарым миң шаардын тургуну менен шаарда батирлерде жашаган үч жарым миңден ашуун адамдан шайлоо тизмелерине кошуу тууралу арыздар түшкөн. Демек, дагы 5 миңден ашуун бюллетен керек болот, ал үчүн БШКга кайрылуу жасалат. 21-октябрдан тартып, мөөнөтүнөн мурда добуш берүү иши башталганы менен 23-октябрга дейре эртелеп добуш берүү тууралу эч кимден арыз түшкөн жок. Мындай маалымат Жалал-Абад шаардык-аймактык шайлоо комиссиясынын жооптуу катчысы Майрамбек Адылбековдон алынды. Анын айтымында, шаарда добуш берүүчү участкалык 25 шайлоо участогу ачылган. (YA)
