Нарында 90 килограмм жардыргыч зат табылды. Бул тууралуу “Азатыкка” Улуттук коопсуздук боюнча мамлекеттик комитеттин Нарын облустук башкармалыгынын башчысы Акылбек Боёнов билдирди. Маалыматка ылайык, 22-октябрда Нарын шаарында туруктуу жашап келген тургундун үйүнөн 90 кг ар-түрдүү жардыргыч зат табылган. Кармалган заттарды алып, экспертизага жөнөтүшкөн. Учурда тергөө иштери жүрүп жатат. Облустук чекист бул окуянын шайлоого тиешеси жок деген пикирде. Мындай маалымат кабарчыбыз Эркингүл Бокоевадан алынды. (ErB/RK)