Кечээ Пакистандын мурдакы канайымы Нусрат Бхутто Синх провинциясындагы үй-бүлөлүк саганада жайга берилди. Тажияга президент Асиф Али Зардари башындагы миңдеген адамдар чогулду. Нусрат айым о дүйнө салганга байланыштуу Пакистанда 10 күн ырасмий түрдө аза күтүүдө. Нусрат айым 1979-жылы өкмөттүк төңкөрүштө бийликтен кулатылып, даргага асылган президент Зулфикар Бхуттонун жубайы. Алардын кызы, экс-премьер-министр Беназир Бхутто (азыркы президент Асиф али Зардаринин зайыбы) 2007-жылы кол салууда курман болгон.
Нусрат айым эки жолу Пакистан парламентине депутат болуп шайланган жана 1980-жылдардын башына чейин Пакистан элдик партиясын жетектеп, кийин төрагалыкты кызы Беназирге өткөрүп берген.
82 жаштагы Нусрат Бхутто жекшемби күнү Дубайда көз жумган.
Нусрат айым эки жолу Пакистан парламентине депутат болуп шайланган жана 1980-жылдардын башына чейин Пакистан элдик партиясын жетектеп, кийин төрагалыкты кызы Беназирге өткөрүп берген.
82 жаштагы Нусрат Бхутто жекшемби күнү Дубайда көз жумган.
