Бүгүн Боршайком шайлоочулардын жаңыланган тизмесин жарыялады. БШК мүчөсү Ишенбай Кадырбековдун билдиришинче, бул жолу Кыргызстандагы шайлоочулардын саны 3 миллион 34 миң 75 адамды түздү. Резервди эске алуу менен 3 миллион 37 миң 200 бюллетень даярдала турган болду. Буга чейин үч миллион бюллетень басылган. Бүгүн кошумча 37 миң 200 бюллетенди басып чыгышат. Шайлоо 30-октябрда болот. Президенттикке 16 талапкер ат салышууда. (KKs/RK)
