“Ойлоном. Тандайм. Келечегим бар.” кампаниясынын мүчөсү, “Кебел” жаштар клубунун жетекчиси Мирзат Ажиевдин “Азаттыкка” айтымында, президенттик шайлоодо негизги мүчүлүштүк тизмелерде болгон. Алдын ала арыз жазып, тактап кектенине карабай өздөрүн тизмеден таппай калган учурлар көп катталган. Ажиев мындан сырткары колго коюлган сыянын тез эле кетип калгандыгын, байкоочуларга кысым болгонун белгиледи. Байкоочулар бүгүн шайлоодогу мыйзам бузуулар, мүчүлүштүктөр жана өзгөчөлүктөр туурасында кеңири маалымат беришет. (КЕ)
