Лондон шаардык соту WikiLeaks интернет сайтынын негиздөөчүсү Жулиан Эссанж Швецияга өткөрүп берилсин деп чечти. Швецияда Эссанж өзү менен чогуу иштеген эки кызматкер аялды зордуктаган деп шектелүүдө. Эссанж өзү айыптоону четке кагып, ал миң сандаган америкалык жашыруун дипломаттык маалыматтарды ачыкка чыгарып жатканы үчүн кысымга кабылып жатканын айтууда. Эссанж былтыр декабрда Швеция сотунун ордери боюнча Британияда камакка алынган болчу.
