Йемен армиясы менен көтөрүлүшчүлөрдүн кагылышы уланууда

Йемендин байтакты Санаада жана экинчи чоң калаасы Аденде шаршемби күнү болгон кагылыштарда кеминде 13 киши набыт болуп, 40тан ашык адам жараат алды. Бул тууралуу медиктер жана оппозиция активисттери билдиришти. Дарыгерлердин айтышынча, Таез шаарында аскерлер менен уруу адамдары ортосунда болгон эрегиште 10 киши курман болду, алардын көпчүлүгү аскерий эмес адамдар. Таез президент Али Абдулла Салехтин 33 жылдык авторитардык бийлигине каршы тогуз ай илгери башталган көтөрүлүштүн очогу.