Казакстандан аккан суу Сибирдеги Иртыш дарыясына 12-13-ноябрда жетээри күтүлүүдө. Бул тууралуу Орусиянын өзгөчө кырдаалдар боюнча министрлгинин Сибирдеги департаментинин өкүлү Олесия Енина билдирди. Анын айтымында, бул үчүн учурда даярдык иштери көрүлүүдө. Казак расмий өкүлдөрү Иртыштын башатында турган Секисовка дарыясындагы суунун курамында цианид уруксат берилген нормадагыдан 516 эсе ашып кеткенин кечээ гана жарыялаган. Цианад дарыяга Секисовск кен иштетүүчү комбинатында 29-октябрда болгон кырсыктан кийин куюлган.
