Бүгүн Бишкек четиндеги Кой-Таш айылында “Балдар жөнүндө кодекске” киргизилген өзгөртүүлөр боюнча парламенттик угуу өтөт. Ага мыйзам долбоорду даярдагандар, депутаттар жана жарандык уюмдардын өкүлдөрү катышат. Мыйзамдын демилгечилеринин бири, БУУнун Балдар фондунун Бишкектеги өкүлчүлүгүнөн “Азаттыкка” кабарлашкандай, кодекске балдарды социалдык жактан коргоо, кылмыш жасаган убакта жоопкерчиликке тартуу багытында бир катар жаңы жоболор киргизилген. (KKs)
