Боршайкомдун төрага орун басары Гүлнара Журабаеванын “Азаттыкка” билдиришинче, ушул тапта 57 аймактык шайлоо комиссияларынан протоколдордун түп нускасы келип түштү. Болгону чет өлкөлөрдө ачылган 29 добушкананын башын бириктирген аймактык комиссиянын шайлоо жыйынтыгы боюнча протокол кечигип жатат. Бардык протоколдор келип түшүп, арыз-дооматтар иликтенип чыккандан кийин шайлоонун расмий жыйынтыгы жарыяланат. Мыйзам боюнча шайлоо өткөндөн кийин 20 календардык күн ичинде расмий жыйынтык жарыяланууга тийиш. (KKs)
