Ош жана Жалал-Абад облустарындагы былтыркы улут аралык коогада жабыркаган балдарга психологиялык жана социалдык жардам көрсөтүү уланууда. АКШ элчилигинен кабарлашкандай, бүгүн бул багытта маселелерди талкуулаган "тегерек үстөл" жыйыны өткөрүлөт. Анда алдыда боло турган иш-чаралар аныкталат. Аталган долбоордун алкагында атайын даярдыктан өткөн психологдор мектеп окуучуларына жардам беришет. 2010-жылдын июнь айында Ошто жана Жалал-Абадда улут аралык жаңжал чыгып, 400дөн көп адам набыт болгон. Миңдеген адамдар үй-жайынан айрылган. (RK)
