Жогорку Кеңештин төрагасы Ахматбек Келдибеков Алмазбек Атамбаевди Кыргызстандын президенти болуп шайланышы менен куттуктады. Куттуктоо катында: "Сиздин жетекчилигиңиз менен Кыргыз Республикасы алдыда турган аймактар аралык, кофессиялар аралык ынтымак менен ырашкерликти сактоо менен, социалдык-экономикалык маселелерди системалуу чечүүнү улантып, туруктуу жана демократиялык өнүгүү жолуна түшө тургандыгына ишенем", - деп айтылат. Атамбаев 30-октябрдагы шайлоонун жыйынтыгы боюнча 62 пайыздан ашык добуш алып, президент болуп шайланды. Анын инаугурациясы 1-декабрда өтөт.(RK)