Өкмөт супермаркеттердеги кемчиликтерди жоюуну көздөдү

Кыргыз өкмөтү ири дүкөндөрдүн ишиндеги кемчиликтерди жоюу боюнча топ түзгөнү жатат. Бул тууралуу биринчи вице-премьер-министр Өмүрбек Бабанов 17-ноябрда өткөн жыйында билдирди. Жыйынга иши сындалып жаткан соода жайлардын жетекчилери да катышты. Бабанов аларды мыйзамды сыйлоого чакырды.

Монополияга каршы агенттиктин башчысы Бабырбек Жээнбеков “Азаттыктагы” маегинде текшерүүнүн натыйжасында сооданын эрежесин бузган үч дүкөнгө эскертүү берилгенин билдирген болчу. (EBM)