Келерки жылдан тарта Кыргызстандын айрым жогорку окуу жайларында суу ресурстарын туура башкаруу боюнча сабактар өткөрүлө баштайт. Бул тууралуу бүгүн ЕККУнун Бишкектеги кеңсесинен кабарлашты. Кечээ Бишкекте бул маселеге арналган жыйын өттү. Иш-чараны уюштурууга ЕККУ жардамдашты. Адистердин пикиринде, суунун натыйжалуу эмес пайдаланылышы Кыргызстанда жана жалпы эле Борбор Азия аймагында климаттык жана экономикалык шарттардан улам чыр-чатактарга алып келиши ыктымал. (RK)
