Бийчи Атай Өмүрзаков "Чехия - Словакияда таланттар бар" телесынагында кечээ финалга чыкты. Чехия менен Словакия биргелешип уюштурган телесынакка быйыл чет элдиктер да чакырылган. Жеңүүчү декабр айынын этегинде аныкталат. 200 миң евро баш байге ээси өнөрүн көрсөтүүгө Лас-Вегас шаарына жолдомо алат. 21 жаштагы Атай Өмүрзаков 2010-жылы Орусиядагы "Даңазанын ирмеми" телетаймашында финалга жетип, экинчи орунду ээлеген. Ушул жылдын май айында Украинада "Менин өнөрүм" сынагына катышкан. JCH
