Жалал-Абад шаары жергиликтүү казынанын эсебинен балдар бакчалары менен ооруканаларды сүт жана эт менен камсыз кылуу максатында «Ала-Тоо" тукумундагы 30 уй сатып алды. Алар шаардын Тайгараев атындагы айыл өкмөтүндө багылып жатат. Мындай маалымат шаардын мэри Бакытбек Адыловдон алынды. Анын айтымында, сүт адегенде аталган айыл өкмөттүн балдар бакчасына, кийин сүт көбөйгөн сайын шаардагы башка балдар бакчаларына, кийинчерээк ооруканаларга да бериле баштайт. (YA/RK)
