Кытай дүйнөлүк экономиканы колдоо үчүн Кошмо Штаттар менен Европанын жолдоруна жана башка инфраструктурасына чоң инвестиция салууга дилгирлигин билдирди. Британияда чыкчу “Файненшэл Таймс” гезитине бүгүн чыккан комментарийде Кытайдын инвестициялык корпорациясынын төрагасы Лоу Цзивэй оболу фонд долбоорлорду изилдөө үчүн адистер командасын жөнөтөрүн айтат. Жыргалчылык боюнча Кытайдын төбөлсүз кору деп аталган бул корпорациянын дөөлөтү 410 миллиард долларга барабар деп бааланып жүрөт.
