Британия Иранга каршы жаңы экономикалык санкция киргизүү зарыл деп эсептейт. Тышкы иштер министри Уильям Хейгдин билдиришинче, мындай үндөө Европа Биримдигинин бүгүн Брюсселде ачылчу саммитинде жасалат. Кечээ Британия шейшемби күнү Ирандагы элчиканасына жасалган чабуулга байланыштуу Тегерандагы элчиканасын жаап, Ирандын элчилигинин дипломаттык кызматкерлерин 48 саатта өлкөдөн чыгып кетүүнү буйруган.
