Кыргызстандын Тышкы иштер министрлигинин статс-катчысы Асеин Исаев Германиянын Бонн шаарында өткөн Ооганстан боюнча эл аралык конференцияга катышты. Ооганстандагы аймактык экономикалык долбоорлорго катышууга Кыргызстан даяр экенин айтты. Конференциянын соңунда 2015-2024-жылдарда Ооганстанга эл аралык жардамды улантуу тууралуу макулдашуу кабыл алынды. Жолугушууга жүздөн ашуун өлкөнүн өкүлдөрү катышты. Бул жолку жыйынга алгачкы ирээт Ооганстан өзү төрагалык кылганын Тышкы иштер министрлигинин маалымат кызматынан кабарлашты. (RK)
