Келдибековдун тарапкерлери Ош - Эркеч-Там жолун бууган жок

Бул тууралуу “Азаттыкка” Ош облусуна караштуу Алай районунун акиминин орун басары Мамашарип Мусаев билдирди. Буга чейин Жогорку Кеңештин төрагасы Акматбек Келдибековдун тарапкерлери аталган райондогу Сопу-Коргон айылынын тушунда Ош - Эркеч-Там жолун бууп турушканын “Азаттыкка” кабарлашкан эле. Бүгүн Ош шаарындагы облустук акимчиликтин алдына Келдибековдун 400дөй тарапкери чогулуп, төраганы кызматында калтырууну талап кылышты. Уюштуруучулардын маалымдашынча, акция эртең саат 10до кайта уланмакчы.(EBM)