Кыргызстандын экс-президенти Роза Отунбаевага "Глобалдуу аялдар лидерлиги" сыйлыгы тапшырылат. Мындай чечимди Аялдардын глобалдык саммитинин эл аралык комитети кабыл алды. Кыргызстанда демократиянын өнүгүшүнө жана аялдар үчүн мүмкүнчүлүктөрдү кеңейтүүгө кошкон салымы үчүн бул сыйлык Отунбаевага келерки жылы 1-июнда Грецияда тапшырылат. Мындай сыйлыкка буга чейин татыгандардын арасында БУУнун Баш катчысы Пан Ги Мун, БУУнун качкындардын укугу боюнча жогорку комиссары Садако Огата, Ирландиянын президенти Мэри Робинсон жана башкалар бар. (RK)
