Кыргызстандын жети абагында соттолгондор ачкачылык жарыялашты. Бул тууралуу "Азаттыкка" Жаза аткаруу кызматынын маалымат катчысы Жолдошбек Бузурманкулов маалымдады. Кармоо шартын, азык-түлүк менен камсыздоону жакшыртуу талаптары коюлууда. Бирок Бузурманкуловдун билдиришинче, негизги себеп башкада болушу мүмкүн - алар "сырттан кандайдыр бир көрсөтмө же буйрук күтүп жатышкандай". Ачкачылык жарыялагандар эртең мененки тамагын ичишкен. Бирок түшкү тамактан баш тартышкан. (BkA/RK)