Орусияда жаңы парламент келерки шаршембиде ишке киришет

Нааразылыкка карабастан, Орусияда президент Дмитрий Медведев жаңы шайланган парламент 21-декабрда ишке кирээрин бышыктады.

Медведев бул тууралуу парламенттеги төрт фракциянын жетекчилери менен жолугушууда билдирди.

Ошол эле мезгилде учурда парламенттик шайлоодогу мыйзам бузууларды текшерүү иши бүтө элек. Медведев ошондой эле саясий реформалар болот деп сөз берди. Орусияда келерки президенттик шайлоо мартта өтүп, анда өкмөт башчысы Владимир Путин кайра президент болот деп күтүлүүдө.