Чехиялык мыйзам чыгаруучулар тикелей президенттик шайлоо тууралуу конституциялык өзгөртүүнү колдошту. Азыр мамлекет башчыны парламент шайлайт. Жаңы жобону бийликтеги коалиция менен кошо оппозициядагы социал-демократтардын депутаттары да колдошту. Эми сунуш Сенаттын жактыруусуна жиберилмекчи. Сенат колдосо, жаңы система 2013-жылкы шайлоодон тарта иштей баштайт. Ал жылы Вацлав Клаустун 2-президенттик мөөнөтү аяктайт.