Бишкектин борбордук аянтында жаңы жылдык балаты орнотулуп бүтүп, бүгүн кечинде жарыгы жанат. Шаар мэриясынын басма сөз кызматынан «Азаттыкка» кабарлашкандай, бийиктиги он метрден ашкан балатынын жарыгын жандыруу аземине шаар мэри Иса Өмүркулов катышат. Маалыматка ылайык, быйыл Бишкекте жаңы жылдык иш-чараларды өткөрүүгө мэрия 14 миллион сом короткону турат. Анын жарымынан көбү жетим, майып жана аз камсыз болгондорду куттуктоого жумшалмакчы. (KKs)