Ушул тапта Ош, Чүй, Нарын, Ысык-Көл жана Талас облусунан келген оюнчулардын таймашы Бишкектеги “Супара” комплексинде өтүп жаткандыгын Ордо федерациясынын президенти Табылды Эгембердиев “Азаттыка” билдирди. Эгембердиев оюндун байге фондуна 100 миң сом акчалай сыйлык бөлүп, оюнчулардын жол акысын да өз чөнтөгүнөн каржылоодо. “Жаштардын баары интернет менен ооруп, улуттук оюндарыбыз унутулуп баратат, аны жандантуу үчүн келаткан күздө чоң байге коюууга даярмын”, - деди Эгембердиев. (JAk)
