Ушуну менен израилдиктер менен палестиналык ХАМАС радикалдык тобу ортосунда жетишилген келишимдин экинчи жыйынтыктоочу этабы аяктады. ХАМАС 5 жыл Газа тилкесинде барымтада кармалган израилдик аскер Гилад Шалит 2 ай мурун израил абактарында отурган миңден ашуун палестиналык жарандарга алмаштырылган. Алардын жарымы Шалит менен кошо бошотулган. Израил бийликтери абактан чыккан палестиндердин арасында террордук аракеттери үчүн соттологон согушкерлер жоктугун билдирди.