Ысык-Көл облусунда Ак-Суу районундагы Илимдер академиясына таандык токой чарбада быйыл 1,5 гектар жерге 5 миңден ашуун 12 түрлүү көчөт тигилди. Аталган токой чарбанын жетекчиси Александр Водолазскийдин “Азаттыкка” билдиришинче, токой чарбанын жалпы аянты 1,5 миң гектардан ашат жана анын теңинен көбүнө бак-дарактар 1950-жылдан бери кол менен отургузулган. "Соңку учурда көмүрдүн кымбаттыгынан жергиликтүү эл бак-дарактарды отунга кыйып, токой кыйла суюулуп кеткен", - дейт Водолазский. Бул иштерге ПРООНдун “Табыгый кырсыктар тобоокелчилигин башкаруу” программасы колдоо көрсөткөн (EBM)
