Бул тууралуу “Азаттыкка” Өзгөчө кырдаалдар министрлигинен кабарлашты. Ош – Сарыташ – Эркеч-Там жолунун 225-чакырымында кар тазаланып, жол бир тараптуу ачылды. Катуу суукта жүргүнчүлөрдүн коопсуздугун сактоо үчүн Сарыташ, Нура, Эркеч-Там айылдарына бекеттер орнотулуп, Ош – Сарыташ – Эркеч-Там унаа жолу кечки саат жетиден таңкы сегизге чейин жабылмай болду. Жол тазалоого эки кар тазалоочу Унимог, Супра, эки жүктөгүч, 1 грейдер жана 1 бульдозер тартылган. (AzK)
