Президент өкмөт мүчөлөрүн дайындады

Президент Алмазбек Атамбаев өкмөттүн жаңы курамын дайындаган буйругун чыгарды. Бул тууралуу президенттин басма сөз кызматы кабарлады. Башмыйзам боюнча президент үч күндүк мөөнөттө Жогорку Кеңеш тарабынан жактырылган премьер-министрди жана өкмөттүн башка мүчөлөрүн дайындоо тууралуу жарлык чыгарат. Президент бул мөөнөт ичинде премьер-министрди жана өкмөттү дайындабаса, алар дайындалды деп эсептелет.

Өкмөттүн жаңы курамы:
Аалы Азимович Карашев - биринчи вице-премьер-министр;
Жоомарт Каипович Оторбаев - экономика жана инвестициялар боюнча вице-премьер-министр;
Гүлнара Үмөтовна Асымбекова - социалдык блок боюнча вице-премьер-министр;
Төрөгул Ниязович Беков – өкмөттүн аппаратынын жетекчиси;
Руслан Айтбаевич Казакбаев - тышкы иштер министри;
Зарылбек Кылычбекович Рысалиев - ички иштер министри;
Алмамбет Насырканович Шыкмаматов - юстиция министри;
Акылбек Үсөнбекович Жапаров - финансы министри;
Темир Аргембаевич Сариев - экономика жана монополияга каршы саясат министри;
Сапарбек Мамбетович Тынаев - айыл чарба жана мелиорация министри;
Калыкбек Иманалиевич Султанов - транспорт жана коммуникациялар министри;
Кубатбек Айылчиевич Боронов - өзгөчө кырдаалдар министри;
Аскарбек Алимбаевич Шадиев - энергетика жана өнөр жай министри;
Канат Жалилович Садыков - билим берүү жана илим министри;
Динара Зарлыковна Сагимбаева - саламаттык сактоо министри;
Ибрагим Кожоназарович Жунусов - маданият жана туризм министри;
Равшан Азатович Сабиров - социалдык өнүгүү министри;
Алиясбек Төлбашиевич Алымкулов - жаштар, эмгек жана иш менен камсыз кылуу министри.

Кечээ Жогорку Кеңеште жактырылган өкмөттүн жаңы түзүмүнө боюнча, Кыргызстанда 15 министрлик, 7 мамлекеттик комитет, 5 агенттик, 8 кызмат, 2 инспекция, 3 фонд жана 2 мамлекеттик мекеме болот. Агенттик, кызматтардын жетекчилери келе жаткан жумада такталмакчы. (KKs)