Москвада кыргыз сулуусун тандашат

Бүгүн Москва шаарында “Кыргыз сулуусу” аттуу сынак өтөт. Бул иш-чараны кыргыз жаштарынын “Жаш толкун” бирикмеси уюштурууда. Уюштуруучулардын айтымында, сынакка 11 кыз катышууда.

Сынактын эрежесине ылайык, катышуучулар өздөрүн ар тараптан көрсөтүп, сырткы келбети менен кошо ички дүйнөсү да сулуу экенин далилдеш керек.

Жеңүүчү Америка Кошмо штаттарына бир жумалык эс алууга жолдомо алат. Кече Кыргызстандан чакырылган ырчылардын коштоосунда өтөт. (EzK)