Чүйдүн Панфилов районунун Кайынды айылындагы жеке мунай базада болгон өрт менен жарылуунун себептери иликтенүүдө. Өзгөчө кырдаалдар министрлиги бул жарылуу атайын уюштурулду деген маалыматтар негизсиз экенин билдирүүдө. Ушул тапта тартип коргоо кызматкерлери кырсык катталган аймакты иликтеп, күбөлөрдөн маалымат топтоп жатышат. Кечээ Панфилов районундагы “Кайыңды-Ойл” ишканасында өрт жана жарылуу болуп, андан 5 адам мерт кетип, 1 адам оор абалда ооруканага жеткирилген. (KKs)
