Премьер-министр Өмүрбек Бабанов Ошко учуп барды. Кабарчыбыздын маалымдашынча, ал кечээ учак кырсыгы болгон жерге барат. Окуянын чоо-жайы менен жеринен таанышат. "Кыргызстан" авиакомпаниясына таандык Ту-134 учагы кечээ түшкө маал Бишкектен учуп барып Оштун аэропортуна коноордо кырсыкка учураган. Учак жарабай калды, адам өлүмү жок, жабыркаган 10-12 адамдын жарааты жеңил экенин Саламаттыкты сактоо министрлиги билдирген. (ErN/RK)