"Жаны Агым" гезити бүгүнкү санында "Де-факто" гезитин "Жылдын мыкты гезити" деп атады. Ошондой эле "Де-факто" гезитини башкы редактору Чолпон Орозобекова менен маекти жарыялады. "Кошоматчылык бийликти сокур кылат, андыктан бизге Атамбаев эмес, оппозициялык күчтөр сүймөнчүлүк болот" деп билдирди ал. "Де-факто" гезити 2008-жылы Бакиевдин бийлиги тарабынан жабылып, Чолпон Орозобековага кылмыш иши козголгон. Гезит 2011-жылы 12-майдан тарта кайрадан жарык көрө баштады. "Кыргызстан маданияты" гезити да "Де-фактону" "Жылдын табылгасы" деп атады, ал эми "Пресс kg" Чолпон Орозобекованы "Жылдын мыкты медиа-менеджери" деп, "Алиби" гезити аны "Жылдын мыкты журналисти" деп атады. (RK)
