Бажы кызматынын маалымдашынча, быйыл 1-январдан тарта Кыргызстанда ишкерлерди текшерүүнүн жол-жобосу өзгөрөт. Ага ылайык, салыкты убагында жана так төлөп келген ишкерлерди текшерүү беш жылда бир жүргүзүлөт жана плансыз текшерүүлөр тыйылат. Салыктан качкандарга жаза катаалдайт. Буга чейин Кыргызстандагы бизнес коомчулук текшерүүлөрдүн көптүгүнө даттанып келген болчу. (EBM)
